Latest Posts







Paling kesel deh kalo liat socmed yang isinye galau. Bahkan jaman sekarang nih, galau ntu udeh dijadiin tren. Berape banyak coba akun-akun Twitter anonim dan personal yang isinye galau? Tiap hari galau mulu. Kesian orangtuanye, punye anak kok kagak berharga banget, kagak suka mengisi waktu dengan hal-hal positif laen. Ape kek gitu, bantuin babehnye nyuci oplet kek, bantuin emaknye motong terong kek, bantuin tetangga ngangkat karung beras kek, deelel. Iye kagak?

Galau ntu emang manusiawi. Semua orang pernah galau. Tapi kalo galaunye tiap hari? Kalo galaunye buat menarik followers alay di Twitter? Kalo galaunye buat cari popularitas? Mungkin jiwanye rada sakit kali ye.

Apakah galau ntu dilarang? Tentu aje gue kagak ngelarang orang ngegalau, tapi gue ngelarang semua temen-temen di sini yang tiap hari galau.

Chat kagak dibales gebetan, galau!
Gebetan jalan ame temennye, galau!
Bulu ketek mulai panjang, galau!
Kancut sobek gara-gara kesangkut paku, galau!
Semua digalauin.


PRET.

PRET


Berikut adalah alasan kenape elo kagak boleh galau [berlebihan] !

1. Waktu Adalah UANG

Ade kagak orang yang bisa membeli uang? Kagak ade sama sekali! Sekalinye kelewat, yaudeh angus. Ketika hidup seseorang diisi dengan galau, berarti tuh orang udeh sia-siain waktu dan sisa hidup yang dikasi Tuhan dengan sesuatu yang kagak berarti. Sayang banget, kan?


Mending juge waktunye dipake buat ngeblog. Nulis ape kek gitu, misalnye puisi. Dari puisi, dijadiin lirik lagu. Trus besoknye rekaman di studio. Bikin pidionye. Sebar ke Youtube dan socmed. JADI ARTIS DEH!

Wow, galau yang sangat berguna bukan ketimbang nangis dan ngetwit galau?

Tapi Mpok, kalo galau di Twitter kan nanti jadi Selebtwit. Kalo udeh jadi Selebtwit kan gue bisa dapet duit dari hasil nge-buzzer...


BANGGA AMAT JADI BUZZER GEGARA BANYAK GALAU. Yaelah. Kagak ade cara berkarya laen ape selaen ngetwit galau dan bikin ribuan anak orang jadi galau?

PRET.

2. Diketawain Haters dan Mantan

Setiap orang pasti punye Haters, walaupun jumlahnye berbeda-beda. Sebaek apapun orang, pasti deh ade aje yang kagak suka. Iye kagak?

Nah, kalo kite galau, ape kate HATERS?

Belom lagi si mantan, yang ade diye ketawain kite tuh, "Wah, si Anu ternyate galauin gue. Jadi enak nih. Mampus lo, kagak bisa kan lo hidup tanpa gue?"

HALAH BERAQUE.

3. Galau Bikin Elo Jadi Tersesat

HAH? Tersesat gimane?

Tau ISIS kan? Ntu lho, sekelompok orang yang mengaku Islam tapi hobinye merusak persaudaraan sesama umat Islam. Ternyate kelompok ISIS ini mengincar abege-abege galau di media sosial, lho. Hiiih, hati-hati!!!


TEMEN ELO MASIH SUKA GALAU SETIAP HARI?
SURUH BACE TULISAN INI!
KALO KAGAK MAU?
BLOCK!
BYE!


 
Gue udeh ngeblog sejak Januari 2010. Ntu artinye, udeh sekitar 5 taon gue ngeblog. Lama juge, ye? Terus gue udeh dapet aje dari nih blog? Ya banyak.... temen, pengalaman, barang gratisan, dikenal banyak orang, hingga duit hingga jutaan rupiah dari taon 2011. Tapi sejujurnye, gue ngeblog cuman pengen berbagi aje, kagak ade niatan cuman buat cari duit aje. Hehehe.

Waktu awal gue ngeblog, mungkin sama kayak kalian nih, begonye setengah mampus. Liat blog orang laen, kok disennye keren-keren gitu ye? Blogwalking ntu ape coba? Mungkin gue lebih bego dari kalian pas awal ngeblog.

Selama setahun ngeblog, gue dapetin temen-temen blogger yang asik-asik. Tapi sayang, mereka sekarang udeh kagak ngeblog lagi. Ade yang udeh berumahtangga, asik kerja, lagi sibuk skripsi, keasikan ame socmed, dll. 

Nyok kenalan ame temen-temen blogger lama gue!

1. Tante Anne (http://iburumahtanggagakadakerjaan.blogspot.com/)

Gue kagak tau sih bisa nemu nih tante darimane, yang jelas gue suka banget bace-bace blognye. Bener-bener ape adenye soal rumah tangga diye ame si Kule, suaminye. Kocak banget. Sayang banget, beliau udeh 3 taon kagak ngeblog lagi. Padahal gue dan temen-temen blogger laen kangen banget ame cerite-cerite natural beliau. Sungguh. Oh Tante Anne, kembalilah ngeblog... Hiks...

Kalo ade blogger yang kenal ame si tante ini, berarti diye blogger angkatan lama :p


Gue jadi mikir, kalo gue udeh berumahtangga nanti, gue masih sempet ngeblog kagak ye? Baru setaonan kerja di kantor aje, gue udeh beberape kali kehilangan kesempetan buat ngeblog lagi. Pengennye sih, jangan sampe nih blog sampe kosong hingga bertaon-taon, si tante @dianarikasari aje yang sibuk bingits dan udeh berkeluarga, masih bisa ngeblog, masa gue kagak bisa?


2. Om Ferdi (http://ferdianleonardi.wordpress.com/)

yuk mareeyy pesta miras wkwk


Gue juge bingung, nemu blog nih orang darimane. Yang jelas, gue suka banget bace-bace blog si om ini. Selaen kocak, si om ini baek banget lho. Sempet beberape kali bantuin gue buat nyusun acara kopdar @kancutkeblenger setaon lalu. Sekarang doi lebih fokus ke kerjaannye dan mencari jutaan dollar dari profesinye yang spektakuler dan mutakhir. Beliau pernah ngobrol sehari semalem ame bokap gue, anteng banget. Terus, beliau juge jago banget maen sulap! Keren dah!

3. Om Yono (http://uncleyono.blogspot.com/)

upilnye enak, om?


Cowo asal Jambi yang lagi nyusun skripsi di salah satu kampus swasta di Bandung ini selalu menulis artikel yang kocak-kocak banget. Orangnye konyol, tapi kagak lebay. Terus, kagak caper kayak blogger-blogger komedi laennye. Cukup kritis dan beberape waktu lalu gue sempet nginep di kosan diye. Tenang, kagak sekamar kok. Beda kamar :p #eaaa

4. Andudei (http://andudei.blogspot.com)

Salah satu pesyen blogger yang kagak selebay pesyen blogger laennye! Sayang sekali, udeh setaon lebih blognye kosong melompong. Kayaknye sih udeh sibuk kerja jadi karyawan di Trans TV. Gih langsung ke blognye, trus dengerin juge lagu-lagu asik yang dinyanyiin langsung ame diye :D

gaye bener deh si Andu :))


5. Zippy (http://narzis.net)

Bulan Maret ini sih, si Zippy udeh mulai apdet blog. Tapi jedanye ntu lho, panjang banget, dari Oktober 2014 terus baru apdet blog lagi Maret 2015. OEMJI! Maklum yak, si bebeb (panggilan gue ke diye) lagi sibuk jadi pejabat di bank gitu. Meski doi berasal dari Papua, kite udeh pernah ketemuan. Ceritanye bisa dilihat di sini.

Secare personal, nih cowo gokil banget dan asik diajak ngobrol. Dan... ganteng sih. Huahahaha (preet).

ngedate dulu ame si bebeb *dikeplak gebetan zippy*



6. Yulian (http://theyulianzone.com)

nyengir aje Mas Jojon, apdet blog lagi kapan???


Hare gene kagak kenal @yulianzone? Ntu lhoooo, ilustrator cover bukunye si @poconggg. Sayang banget Mas Jojon sekarang jarang ngeblog, ngeksisnye di Instagram doang. Huhuhu. Mudah-mudahan beliau kembali ngeblog lagi deh :D

Sebenernye masih banyak lagi blog-blog lama yang gue kangenin, cuman kebanyakan udeh ditutup dan orangnye udeh pade kagak ade kabar. Sedyih :'(

Dari keenam blogger di atas, kalian paling kenal ame sape? Terus, blogger lama yang kalian kenal selain blogger di atas ntu, ade sape aje? Gue pengen banget tau deh :D





Kate orang-orang sih... Cinta ntu butuh keyakinan. Dan bermodal keyakinan ntulah, gue nekat menguntit seseorang yang nun jauh di sono...

Zaman dulu kala, secara kagak sengaje gue nemu sebuah resi pengiriman barang ke rumah seseorang yang gue cinte banget. Gue bace resinye sambil mengira-ngira di mane letak rumahnye. Halaaah, masih sekitaran Jabodetabek mah, gampil lah. Kagak usah takut nyasar!!! Akhirnye jam 5 sore, gue langsung ke stasiun deket rumah untuk mengetahui letak persis rumah doi. Modal nekat dan GPS aje! Nah lhoo, gara-gara resi langsung dadakan pergi gitu!!! Huahahahaha 

Sekitar 45 menit, gue udeh sampe di salah satu kota, tempat doi tinggal. Langit udeh gelap, sekitar stasiun minim penerangan. Tapi gue tetep nerusin perjalanan dengan berjalan kaki. Padahal di peta kelihatannye tuh jauh banget. Namun entah kenape, secare nekat gue jalan kaki menyusuri jalan besar, jalan kecil, hutan, perkampungan, hingga sesekali mendengar suara ngikik tante kunti. Bodo amat ah!

Boong banget sih kalo gue kagak takut. Sebenernye rada takut, secare jalannye tuh gelap banget. Buka hengpon juge kudu ati-ati karena takut tiba-tiba ade penjahat nongol dan ngambil si hengpon, macem begal-begal yang lagi hits gitu. Terus keinget pesen si emak, kalo jalan tuh jangan sendirian dan gelap-gelapan, nanti dirampok dan diperkosa. Omaygaaatttt, jangan sampe terjadi! Kreditan hengpon belom lunas, keperawanan kudu dijaga demi si kakang ganteng. Hikss. Tapi gue mencoba menebarkan aura positif dan masih yakin kalo GUE BISA dan BERANI! 

Setelah menyusuri gang-gang kagak jelas, akhirnye gue nemu jalanan yang lumayan gede dan beberape angkot yang liwat. Mau naek angkot tapi di GPS kelihatan kalo rumah yang gue tuju dikit lagi bakal ditemuin. Oke deh, gue tetep semangat menyusurin jalan raya, belok kiri, liat kanan kiri dan... HAP! Akhirnye gue nemu rumahnye!!!! Huahahaha. Tapi, kok sepi siiiihh??! *lalu muncul Cesar YKS jejogetan*

Gue celingukan, kok orangnye kagak nongol-nongol yak. Tapi di dalem hati gue berujar, "Pokonye kalo gue ketemu diye malem ini, sengaja atau kagak sengaja, berarti diye jodoh gue!!!"

Dan kagak lama...

Gue berpapasan ame si doi....

KYAAAAA, APAKAH INI NAMANYE JODOH?

Untungnye, si doi kagak ngeh gue berpapasan ame doi. Gue senyum-senyum sendiri. Lalu tampak beberape kunti dari pohon pisang suit-suitin gue. Boong, deh.

Seriusan deh, mungkin kedengerannye klasik, tapi cuman bisa berpapasan ame orang yang disayang ntu, rasanye kagak ternilai. Senengnye udeh bukan maen. Gimane kalo dipegang tangannye, dipeluk, atau dicium gitu ye ame doi? Hihihihi.

Pernah kagak sih kalian punye kejadian kayak gini? Share dong ceritanye :p



Ceritanye lagi di New York


Yuhuuuu. Setelah dua bulan lalu gue ke Korea, kini saatnye gue ke Amerika! KOK BISA?

Bisa dong, jadi begini ceritanye...

Kalo kalian udeh mantengin blog gue dari dulu, pasti tau deh kalo gue emang sebenernye suka bikin video. Entah video pas lagi lipsync, berenang di danau, joget di Bundaran Hotel Indonesia, sampe dokumenterin kegiatan pengamen bencong seharian!

Kalo sekarang sih, lagi demen bikin video pas lagi jalan-jalan aje pake Instagram. Liat aje Instagram gue @irvinalioni, selama di Korea gue pun selalu sharing setiap sudut kota Ginseng pake video.

Kadang juge gue bikin video lucu-lucuan, kayak di bawah ini :"> mudah-mudahan sih lucu ye, HAHAHA :))


APAH? Masih kurang lucu? Nih liat yang ini aje!

A video posted by Irvina Lioni Yuniasari (@irvinalioni) on



Nah, bermodalkan tekad itulah, gue ditantang untuk bikin video lebih kreatif lagi biar diajak jalan-jalan ke Amerika untuk SYUTING. Yoi, gue bakal mendadak eksis dong :”>

DITANTANG? DITANTANG SAMA SIAPE?
Hmmm... kasi tau kagak nih~~~

SYUTING APAAN MPOK?


Itu lho, syuting film layar lebar "Bulan Terbelah di Langit Amerika" yang merupakan kelanjutan dari film "99 Cahaya di Langit Eropa” Ya kali aje gue ngegantiin si Acha Septriasa ye. Huahaha.

Bulan Terbelah di Langit Amerika ? Kayak pegimane ye pelemnye?



Jadi begini lho, guys. Gue ditantang sama Nissin Biskuit Kelapa Ijo dan Nissin Wafers untuk ikutan MENDADAK EKSIS yang diselenggarakan mulai tanggal 1 Februari hingga 31 Maret 2015. Kalo soal gila-gilaan di video sih, gue yakin menang ye #PedeMampus :)) gimane gue kagak ngiler sama MENDADAK EKSIS, secara 2 (dua)  pemenang utama akan ikutan langsung dalam film “Bulan Terbelah di Langit Amerika" yang mengambil lokasi syuting di New York dan mini tour! Itu berarti, kalo gue menang, gue bakal ke Amerika dan jadi ARTIS. YA ALLAH, PENGEN BANGET!!!



Kalian pengen ikutan ke Amerika bareng gue? (Ya kali aje kite menang kan, positive thinking! Siape tau nanti syuting bareng dan bisa ngerasain salju di New York!)

New York di musim salju

Mumpung masih ada waktu banyak, yuk ikutan MENDADAK EKSIS! Apa lagi kalo kalian demen banget bikin video dan punya bakat kece! Kudu diliatin dong biar EKSIS! ♥

CARANYE GIMANE, MPOK?
Gampil! Langsung aje ke www.mendadakeksis.com



Jangan lupa buat ikutin syarat dan ketentuan Mendadak Eksis



Setiap minggu panitia akan memilih 12 pemenang mingguan yang akan mendapatkan tiket nonton film “Bulan Terbelah di Langit Amerika” yeaay asik banget!

Jangan lupa untuk bikin video yang ORISINIL, KREATIF, SELARAS DENGAN NISSIN yang dipake, dan AKTIF SHARE VIDEO kalian ke media sosial. Gampil, kan?

Udeh gitu, tema video kontesnye anak muda banget, "Ekspresikan Mendadak Eksis Versi-mu" dalam waktu 15-30 detik dan kategori video bisa disesuaikan sama minat peserta :)

Misal, ada yang mau ngedance, akting, open mic, baca puisi, nyanyi, bebas deh! Kalo gue sih, semua kategori pengen dicoba, secara boleh ngirim video lebih dari satu. Seru kan? Hihihi :3

Yang ini juga kagak boleh dilewatkan ye:



BINGUNG MAU BIKIN VIDEO MENDADAK EKSIS KAYAK GIMANE?
 Liat contohnye nih, guys:


Lihat video promonye di sini ...


Gimane? BERANI MENGADU VIDEO KREATIF BARENG GUE?
Yuk ah langsung BERAKSI dan tunjukkan kepada dunia kalo kite semua bisa MENDADAK EKSIS di jalur kreatif!
Gue tunggu video kreatif kalian, yak! Sampai jumpa di New York nanti! ♥

*langsung ke minimarket beli Biskuit Kelapa Ijo dan Nissin Waffers*
artis juga manusia biasa keleus~~

Ade seorang penyanyi cewe cantik tanpa cela yang selalu dipuja-puja semua orang. Gue akui diye cantik, suaranye bagus, penampilan cihuy dan emang selalu tanpa cela karena imej yang dibikin bagus banget. Tapi kadang kepo juge, kira-kira kalo di belakang layar, diye pegimane ye?

Salah seorang temen yang pernah menjadi penyiar radio swasta ternama di Jakarta, pernah bercerita tentang nih penyanyi. Hm, kite sebut aje Roro, bukan nama sebenernye si penyanyi ini.

Kebetulan Roro pernah menjadi salah satu pengisi program di radio tersebut. Kagak lama sih, karena si Roro ini anaknye suka mood-mood-an kerja, bikin kesel anak-anak radio. Mungkin karena kecapean nyanyi off-air kali ye, secara kan ngehits banget.

Kalo dari sisi orang umum sih, si Roro keliatannye anak baek-baek. Alim. Gaya hidupnye sehat. Tapi ternyate... jiah.. perokok juge. Rada kagak percaye juge sih, dari mukanye keliatan kagak pantes aje kalo diye ngerokok. Tapi... yaa... namanye juge dunia entertain, yang kayak gini mah, udeh biase aje. Di kantor gue malah 80% cewenye ngerokok. Beginilah kalo ngerokok jadi gaya hidup sebagian cewe metropolitan.

Si Roro ini pas awal muncul keliatan rada gendutan. Sekarang? Beuh, singseeet coyyy. Tapi singsetnye gara-gara sering terapi infra-red dan terapi-terapi laennye. Sekali terapi, bisa di atas 5 juta keleus. Beuh pantesan bayaran manggung si Roror mahal banget, wong perawatannye mahal -___- terus kalo terapinye ditinggalin sekali, langsung tambah gendut masa -___-

FYI, terapi tersebut dipake juge ame artis sekelas Dian Sastro, lho~~~

Terus tau kagak kalo si Roro ini punye make up artist pribadi, temennye sendiri. Dan si temennye ini belajar make up langsung dari Perancis. Jadi, kagak heran kalo si Roro selalu tampil seger, enak dipandang, dan keliatan natural. Padahal mah kagak natural-natural amat, mukanye ade ‘ditambah-tambah’ dikit juga, hehehe.

Bagaimana dengan kisah asmara si Roro? Hmmm, sape sih cowo yang kagak mau ame si Roro? Dan cowo mane yang tega ngomong kasar ke cewe secantik Roro?

Kenyataanye, Roro pernah punye cowo yang kasar banget. Si Roro sering di bangsat-anjing-brengsek-in, diteriakin kayak gini di kantor radio. Sampe anak-anak radio bilang gini: “Gile, cewe cakep kayak Roro ternyate bisa juge dianjing-anjingin ame cowo!”

Ya... begitulah Roro... ternyate kehidupan pribadinye kagak sesempurna yang kite tau. Artis juge manusia biasa, keleus.

Buat cewe-cewe yang kepengen jadi Roro, mending  dipikir-pikir lagi dah. Bersukur aje jadi diri sendiri, karena kite kagak pernah tau ‘dalemannye’ setiap orang kayak gimane. Bener kagak? :D

Ade yang tau siape RORO yang gue maksud? MUAHAHAHAA :))

Mpok Pina 'diramal' Grafolog, nih! 

Dua hari setelah mengirimkan scan tulisan tangan gue kepada sang Grafolog, akhirnye e-mail tersebut dibales dengan kalimat permohonan maaf karena doi belom bisa menganalisis tulisan tangan gue lebih detail lagi. Maklum, lagi ada urusan laen, bok. It's okay, lagian masa udeh dianalisis gratisan masih minta macem-macem, muahahaha.
What? Mpok Pina 'diramal' Grafolog!

Secara kagak sengaje, salah satu temen kampus gue, Conny, memosting sebuah skrinsut chatting bersama seorang Grafolog yang membaca karakter doi. Padahal mereka berdua sebelumnye belom saling berjumpa. Conny cuman ngasi foto berisi tulisan tangannye di satu lembar HVS. Dan ternyate, 'ramalan' si Grafolog ntu bener banget! 



Terkadang gue ilfil sama artis yang kagak mau berbaur ame orang biasa...

Inilah yang gue temui saat bertemu langsung beberape kali ame salah 1 artis yang juge dikenal sebagai penulis. Sebut aje Dio.


Waktu gue ketemu di acara peluncuran sebuah website, si Dio ini kelihatan kurang senyum dan berbaur ame orang-orang sekitar...

termasuk kalian kagak ye?


Kalo dipikir-pikir, kadang ade aje hal aneh yang menimpa diri kite. Nah, berikut ini 5 hal aneh yang menurut gue kayanye sering dirasain dan dilakukan sebagian orang. Termasuk kalian kagak ye kira-kira? Hehehe :p
Kira-kira gimane ye petualangan gue selama di Korea?


Jieee kangen postingan gue ye? Maap ye akhir-akhir ini Mpok Pina lagi sering lembur dan juge abis liburan ke Korea Selatan! Gratis pulak! Hahahaha!!!

KOK BISAAAAA?

Bisalah, secara gue pegawai paling rajin jadi dapet reward deh dari kantor (preeet). Kantor gue ntu penuh kejutan, sebulan sebelom pemberangkatan baru ngasi tau kalo gue bakal ngikut ke Korea. Cooooyyy... gue belom punye paspor dan ngurus visa! Gile kagak tuh, jadi was-was bisa ngikut ape kagak!!!

Alhasil sehari setelah pengumuman, gue langsung ngurus paspor di kantor imigrasi Kemayoran, Jakarta Pusat. Ini pertama kalinye gue bikin paspor, secara gue belom pernah ke luar negeri. Naek pesawat aje belom pernah! Hahaha. Segala macem dokumen gue siapin buat paspor dan visa, macem fotokopi KTP, kartu keluarga, rekening koran, pas foto, banyak dah. Tinggal googling aje kalo kalian mau mulai bikin paspor dan visa.

Untungnye sih untuk visa, gue kaga terlalu khawatir karena pasti bakal tembus secara kan perginye bakal rame-rame sekantor. Yang deg-degan sih pas bikin paspor, aduh antriannye naujubilah. Mane pas ngurusin gue lagi overload kerjaan. Super stress deh. 

Alhamdulillah, puji Tuhan, semua dilancarin. Gue pun berangkat ke Korea pada tanggal 26 November 2014 jam 11 malem. Dari bandara Soekarno Hatta, gue udeh pake segala persiapan macem pake kaos kaki woll, long john (daleman khusus saat suhu dingin), dan coat. Untuk persiapan laennye, berikut penjelasannye.  

PERSIAPAN KE KOREA
Berhubung suhu di Korea lagi kagak nyantey, gue pun berjaga-jaga bawa 3 coat, long john, dan obat-obatan. Beli obat-obatannye aje gue sampe 100 ribu rupiah lebih, anjritlah. Emang sih gue lebay banget karena yang dibeli lumayan banyak, sampe si @ziipy nanya: "Lu mau buka apotek di Korea?"

Sebelom ke Korea, gue beli obat-obatan segini -___- tapi yang dipake cuman 3 bungkus tolak anying doang, anying bgt ye khaaaan -___-


Ya gimane gue kaga mau berjaga-jaga ye... Secara temen kantor bilang kalo suhu di sono udeh minus sekian. Sampe sono aje kite udeh ngerasain 8 derajat celcius. Anjrit, kebayang kagak sih, bobo cantik di Puncak aje gue sering sakit, pegimane di sono? Yaudeh tuh gue beli aje Tolak Anying, Piks, Ultra Pluh, Pitamin C, dll. Buat jaga-jaga, ya walopun sebenernye pas sampe di Korea cuma kepake 3 bungkus Tolak Anying aje. Haha!

Terus ye... gue juge pinjem 2 coat khusus winter dari sobat gue @rcfeby. Plus dengan long john-nye. Aaaakk, terimakasih banget Peboy! Tadinye sih gue mau beli tapi kata doi mending kagak usah, lagian cuman 4 harian ini. Ya gue setuju aje sih, berhubung duit gue tinggal dikit dan bakal dipake sebagai penyambung hidup di Korea, hahaha!

Soal makanan juge ribet nih, berhubung gue ngeliat jadwal makan selama di Korea berisi daging semua dan kagak dijamin kehalalan-nye, gue pun membawa seperangkat bubur instan, mi instan, sup instan, abon, dan setoples orek tempe pemberian room-mate gue, Mbak Nur. Thanks Mbak!

Dan kagak lupa, gue nukerin duit Rupiah jadi Won....

Kalo di rupiahin sekitar 1,7 juta rupiah. Ini duit gue pribadi, sengaja kagak mau bawa banyak duit karena kepikiran cicilan rumah dan laennye -__-  eh tapi untungnye ditambahin 2 lembar lagi sih sama kantor, jadi total bawa 250 ribu won.


BERANGKAT KE KOREA
Deg-degan banget nih gue, karena bakal terbang ke negara entah berantah untuk pertama kalinye. Kurang persiapan pula! Gimane mau maksimal persiapannye, gue aje sebelomnye lembur hampir tiap hari. Temen-temen sekantor mah udeh banyak googling tentang Korea, gue boro-boro. Gue bener-bener nge-blank lho soal Korea. Bodo ah, biarlah menjadi sebuah kejutan terindah, hahaha!

Jam 18.30 WIB, gue dan temen-temen sekantor berangkat ke bandara Soekarno Hatta. Dan tau kagak ape yang terjadi? MACET SODARE-SODARE, ENCANG, ENCING! Masa dari Ratu Plaza ke Plaza Semanggi 45 menit! Ya kaleee, naek TransJakarta tuh cuman 2 menit! Selama perjalanan, temen-temen pade asik bobo-bobo cantik, sedangkan gue asik ngobrol sama om-om gemes di sebelah kanan dan kiri.

Jam setengah 9 malem, kite semua sampe bandara dan gue langsung cabut ke salah satu lounge buat menikmati makan gratis. Kebetulan salah 1 om gue kerja di lounge tersebut, jadi bisa makan gratis hihi.

A video posted by Irvina Lioni Yuniasari (@irvinalioni) on

Jam setengah 11 malem, gue ganti baju. Mulai pake coat tebel, long john, dan kaos kaki woll. Soalnye gue bakal sampe Korea jam 8 pagi waktu setempat dengan suhu kurang lebih 8 derajat celcius. Daripade gue masuk anying, mending nyiapin diri, ya khaaaan?

jam 11 malem dan masih narsis di Bandara Soetta, eek lo Pin -___- muke ngantuk tuh gue!


Jam 11 malem, gue pun terbang dengan Garuda. Di dalem pesawat ketemu ame Penulis Catatan Hati Seorang Irvina Istri, Asma Nadia. Sayang kagak bisa foto-foto. Yaudehlah gue menikmati perjalanan sambil menikmati musik jazz.

Ternyate naek pesawat ntu biasa aje, kayak naek bis. Berhubung pake kelas ekonomi, jadi gue empet-empetan. Kaga ape-ape dah, yang penting gratisan. Iye, kagak? Selama di perjalanan, gue disuguhi berbagai cemilan, makanan, minuman, pokonye kenyang abis! Oh iye, satu yang kagak gue lupain adalah, pramugari Garuda cantiknye setengah mampus! Bodinye aduhai! Sayang aje kagak kepoto, pokonye cakep banget ya Tuhan, pantes gebetan gue dulu lebih kesemsem ame pramugari Garuda ketimbang gue. Huhuhu nyesek abitch :'(

Dan... tiba saatnye gue di KOREAAAAA! Gue pun mendarat di Incheon Airport. Udara pun menusuk hingga ke ubun-ubun. Gile, dingin abis! Waduh, ini sih kudu siap-siap minum Tolak Anying satu kardus, dah!

Baru juge sampe, eeeh langsung diajak pergi ke Nami Island. Waduh... pas mau keluar dari bandara Incheon, gileee rempong bener, saking gedenye sih! Jalan beberapa menit, naek MRT airport semenit, jalan lagi beberapa menit, nunggu antrian imigrasi, nunggu bagasi, jalan lagi... jalan... jalan... hadeeeeh...

baru sampe Incheon Airport dan gue langsung narsis lagi -_-


Terus tiba-tiba gue gagal paham sama salah 1 temen kantor yang belom pake baju BENER sama sekali. Padahal lagi dingin banget lho -________-

A video posted by Irvina Lioni Yuniasari (@irvinalioni) on

PERJALANAN MENUJU NAMI ISLAND
Dari Incheon Airport ke Nami Island kurang lebih memakan waktu selama 2 jam dengan mengendarai bis. Selama di perjalanan, kite ditemenin ame salah satu tour guide lokal bernama Willy atau  Seok-chan Son. Beneran deh, doi asli Korea, tapi lancar banget Bahasa Indonesia-nye. Walau kadang suka salah penyebutan. Gokil abis, selama perjalanan gue kagak pernah ngerasa jenuh karena selalu mendengarkan cerite-cerite seru dari doi. Kagak cuman tentang Korea, bahkan tentang curahan hatinye juge!!! Hahahaha!!

Kalo kagak percaye, nih lihat pidionye:



Temen-temen mah pade bobo-bobo cantik di bis, gue malah sibuk becandain si Willy. Kocak sih :)) nanti deh gue posting FAKTA TENTANG ORANG KOREA di tulisan selanjutnye, ini valid lho berdasarkan perkataan orang Korea-nye langsung :p

Sebelom ke Nami Island, makan siang dulu bosss di salah 1 restoran. Nyamnyamnyam, kite makan chicken barbeque (padahal gue Vegetarian tapi karena laper ya gue lahap juge walau abis ntu pengen muntah karena kagak terlalu doyan hahaha!)


Setelah nyebrang dan sampe di Nami Island, gue pun langsung poto-poto. Hehehe.

baru sampe Nami Island dan gue langsung narsis, emang dasar anak norak

alay emang ye narsis mulu gue :( bodo ah yang penting abis ntu ketemuan ame penulis ASMA NADIA :')


Yang gue tau soal Nami Island adalah... nih tempat pernah jadi tempat syuting pelem Winter Sonata. Gue kagak tau dah ntu pelem apaan, biasa nonton bokep Youtube aje gue mah :(

daun-daun di Nami Island udeh pade berguguran.... 
patung toket gede di Nami Island
lanjut foto-foto ame temen satu bis
Pas nyebrang balik dari Nami Island




Terus kenape sih namanye Nami? Soalnye di sono ade makam Jenderal Nami, nih orang pinter banget, saking pinternye saat doi baru berumur 17 tahun, doi udeh dipercaye sebagai Jenderal. Tadinye gue berencana buat bikin Live Report cuman gagal euy gara-gara temen kantor gue jail :'(


A video posted by Irvina Lioni Yuniasari (@irvinalioni) on

Gue pun lanjut jalan... bingung mau ke mane... ya jalan aje lurus lurus sampe mentok ade sungai. Sambil jalan, gue nemu patung porno karena patungnye kagak pake baju :'( untung kagak ade FPI huhuhu :'( teteknye gede pula, kalah tetek gue anjir :'(
A video posted by Irvina Lioni Yuniasari (@irvinalioni) on


Sebenernye banyak sih yang pengen dieksplor cuman waktunye kurang banget, cuman 2 jam doang masa :'( yaudehlah seadanye aje gue di sono, paling cuman poto-poto deket sungai ame pohon-pohon. Kagak ke tempat laen yang lebih seru, takut nyasar juge sih abisnye pade mencar-mencar huhu :'(

Lalu kite meninggalkan Nami Island... kini kite menuju ke.... DONGDAEMUN! Mari belanjaaaaaaaaaaaa!

Salah 1 sorga belanja di Korea: DONGDAEMUN!



Yaaaa... berhubung ini tulisan udeh terlalu panjang, mending bersambung aje dah ye. STAYTUNED di blog gue karena di salah 1 postingan #MpokPinaNyangsangdiKorea bakal ade GIVE AWAY oleh-oleh Korea! Yuhuuuuu! ������