Sederet Pertanyaan Dari Nyokap

 

Beberapa hari yang lalu, nyokap sempet ngasi gue sederet pertanyaan yang sangat teramat ngenes untuk dijawab. Pertanyaan itu sebenernye udeh beberapa kali nyokap lontarkan. Hanya aje, beliau belom pernah mendapatkan jawaban sejujurnye dari gue, yang emang orangnye tertutup dengan nyokap sendiri, dalam masalah cinta-cintaan. Entahlah, gue lebih nyaman cerita dengan Almarhumah Tante gue dan salah 1 sobat terdekat gue, @gravitease. Soalnye, jujur aje, nyokap gue gak terlalu asik buat diajak curhat cinta-cintaan. Selaen ember, nyokap suka ngomel kagak jelas. Jadi males duluan gue-nye. Piss ye mak!

Dan ini dia, sederet pertanyaan dari nyokap. Buat kalian, gue mohon jangan ketawa ngeliat penderitaan gue, ye!

“Pina, kamu pacarnye sape dah?”

Gue cuman bisa geleng-geleng. Tapi nyokap kekeuh maksa-maksa gue buat ngejawab pertanyaannye. Yaudeh, dengan tampang penuh meminta belas kasihan ala iklan Mie Sedap, gue pun ngejawab :

“AKU GAK PUNYA PACAR....”

“Ah, masa, sih?  Sebenernye kamu udeh pernah jatuh cinta belom sih?”

Gue pun cuman bisa geleng-geleng dan berusaha untuk mengalihkan pembicaraan :

“Ma, kok Daus Mini punya anak, ya? Emang kalo tititnye kecil, bisa punya anak ye, Ma? Btw, cara bikin anak gimane sih?”

Kali ini nyokap gue yang geleng-geleng..

“Pina, coba kamu jawab jujur. Kamu masih normal, kan? Kamu masih suka sama cowo, kan?”

Dengan semangat kemerdekaan, gue pun langsung ngejawab : “YAIYALAH! PINA MASIH SUKA YANG BERBIJI DAN BERJAKUN! PLIS DEH MA, ADA PERTANYAAN YANG BERBOBOT DIKIT GAK SIH?”

 “Oh, gitu. Alhamdulillah deh kalo kamu masih suka sama cowo. Trus kenape ampe sekarang kamu jomblo? Kamu gak laku, ye?”

JLEB!

Gue pengen ngejawab, tapi udeh males duluan. Yang jelas, soal laku gak laku, lo kira gue barang dagangan ape ye?


Kalo boleh jujur, cowo mah banyak yang ngedeketin. Cuman ya gitu, ada aje yang suka ngeganjal. Entah kenape, gue seringkali dikejar sama cowo diatas 25 taon-an, yang pastinye udeh pada mapan. Cuman ya pegimane, kalo gue pacarin entar gue langsung diminta buat dijadiin isteri untuk dekat-dekat ini. Kayak sepupu gue tuh, baru 19 taon tapi lakinye yang umurnye 25-an ngambek minta kawin. Trus pas kawin, ampe 3 kali resepsi lagi. Cape gela

Gue gak bisa ngebayangin kalo gue dikawinin sama laki yang umurnye 25 taon keatas trus gue kawin muda. Ogah deh, kuliah aje belom lulus. Gue sih maunye kawin di umur 25-an. Gue masih kepengen bebas tanpa ikatan yang berarti macem perkawinan. Gue juga masih kepengen nyari duit, yang duitnye cuman buat gue aje. Gue masih pengen ini-itu tanpa dikekang sama pasangan hidup.

Oh iye, kalo cowo sepantaran sih, ada juga yang ngedeketin. Cuman mereka kebanyakan playboy, pelit, oon, pokonye males banget dah gue-nye.

Trus beberapa wakt u lalu, gue pernah naksir sama seorang temen cowo. Eh pas gue tau dia kalo nulis status di FB kAyaGh gh3n3y, cewe mane yang kagak ilfil?

So, soal cap gak laku, tolong ye jangan sotoy dulu, Ma!

“Kalo kamu gak laku, sini deh mama jodohin! Mau gak?”

Aduh mamaaaa, udeh berape kali ente jodohin ane sama si anu, si fulan, dll. Plis ye, ini jaman era digital. Bukan jaman si Siti Nurbaya! Biarkan anakmu ini nyari laki sendiri! (Jawab di dalem hati).

Terakhir, nasehat nyokap :

“Kamu tuh ya, kalo cari cowo, musti tau bibit, bebet, bobotnye! Cari yang kerjaannye jelas, minimal PNS. Muka biar jelek gak kenape dah, kalo tajir gebet aje! Mama aje dulu punya pacar tajir semua!  Kalo ngapelin mama, pasti pada pake mobil. Kamu jangan mau kalah dong sama mama! Buktiin! Kalo punya cowo, kenalin ke ortu, jangan pacaran diem-diem. Kalo pacaran, di rumah aje, gak usah keluar-keluar. Ngerti?”

“IYEEEEEEEEEEEEEEEEEEEEEEE”

Abis itu, gue langsung sakaratul maut. Sekian. Selamet bermalem minggu~




Gambar : bikin sendiri di http://memegenerator.net